Wingwing 飛踢埋身幾時都接住，今次的可謂借Blog Tag之名，行問卷之實。

試下答得無厘頭一o的先

1：大家還會不會去影碟租貸租借VCD或DVD的呢？還是在網上 download？或在線上觀看？或是只看收費電視電影？

以前有租碟，家陣買或上網睇多，澳門好少人睇收費電視電影。其實若有人搞租碗碟服務，我會考慮下，反正屋企細，無物空間放東西，食完又唔駛洗，即還就OK。

2：若會到影碟租貸租借的話，你會租哪一類型的影碟？會租VCD還是DVD？

老兄，依家仲睇VCD？

3：你一個月平均會租借多少隻的影碟？

承第一條，我個人一日會租兩套碗碟。請問有無 hello Gary的款式？好hit果款呢～～

4：每借一隻碟的話，平均消費是多少？每月平均消費是多少？

每租一套碗碟，一蚊我唸較合理，因為．．．碗碟小心用的話可以用成世，計一年365日，一世有90年，條數你計落你下都"嘩"啦，咁好搵！

5：你習慣購買套票，還是散租？

我會選擇一套，起碼要一隻碗一雙筷子。.

6：就你家而言，租碟的通常是你自己？還是小朋友？

"我自已租就夠了，因為怕家人或朋友會笑我白痴。"一本正經地答道。

7：你是否接受樓上舖？網上預訂服務？

是但啦，最緊要唔會崩口就得。

8：你會不會買影碟？買VCD還是DVD？

幾年先會買一次碗碟。影碟就間中買，不過講唔埋，要有mood先會去買。

9：就這類型的服務，你有什麼建議呢？
租碗碟服務有得唸，行過路過，睇到這個問卷的，不妨試下呢方面創業。成功與否無人知，至少你會在全世界或某地區的第一個勇者！

10：有什麼的服務可以吸引你幫襯？
有靚女送同收碗碟，應該幾好！

歡迎五湖四海的朋友，自踢自娛。